كل سنة وأنتم طيبين
امتحانات الثانوية العامة بدأت
وكل بيوت مصر اللي فيها ثانوية عامة
أعلنت الطواريء ....!!
مش عارف علي إيه ؟؟
كأن أي كلية يدخلها
الولد أو البنت
غير الطب والهندسة
مالهاش لازمة
طبعاً فكر متخلف ..
كل الكليات محترمة
مادام الإنسان ح يتخرج فيها
ويشتغل شغلة شريفة ....
ما علينا ....
إحنا مش ح نوعظ ...
بمناسبة الثانوية العامة
كنت عايز أسأل سؤال بريء
ليه انتدابات الملاحظة والمراقبة
في الثانوية العامة بتمشي
ودنك منين ..ياجحا ؟؟
يعني مثلاً :
تلاقي اللي بيته في القاهرة
بيراقب في سوهاج ..
واللي بيته في أسيوط .
جاي له مراقبة ...في مرسي مطروح
.gif)
مش عارف إيه الحكمة ...؟؟
قال يعني لما تكون من بعيد
مش ح تغشش الطلبة ....
إزاي المراقب أو الملاحظ ح يبقي
إنسان مبتسم مع الطلبة
في لجنة الامتحانات
ويوفر لهم جوّ مريح
وهو جاي لهم متبهدل في
تلات أو أربع مواصلات
علي غيار ريق .......
طبعاً فكر رجعي .....
وقديم .....
أعتقد النظام ده موجود
من أيام حملة فريزر
والغريب
إنه ما حدش فكّر يطوره ....
أو يعيد النظر فيه ..
نفسى انهم يطورو شوية ونتقدم بقا
ردحذفوالله نفسى انا كمان البلد دى تتطور الواحد زهق
ردحذفمن خارج المدرسة